Handes Rakfisk

Det er kvaliteten på fisken som er sjølve grunnlaget for god rakfisk. I 1990 flytta vi fisken inn på land i støypte dammar bygd som bollar, der har aura det som fisken i vatnet - rikeleg med vatn gjer vatnet reinare og fisken får trimma seg. Lykkeligare aure smakar betre.

Vi kan tilby 3, 5 og 10 kg spann i tillegg til filetert, skinnfri og heil vakuumpakka. Heil, skinnfri og filetert fisk blir vakumpakka når fisken er moden. Vi har 3 modningsgrader, mild, lagra og vellagra med variasjon i kvar grad etter kundens ynskje.Er det ynskje om levering til lag og større tilstellinger kan vi filetere i større oser, eller filetere ferdig til servering lagt vakuumpakka på brett.

Gå til bestillingsskjema
020Y7716 (1)
3kg spann /5kg spann / 10kg spann
Raskt i butten

Etter avliving som skjer ved opptak frå dammen, blir fisken flytta til vårt moderne foredlingslokale. Innan 1 time er fisken vaska og reingjort, og klar for butten. Vi nyttar erfaring frå generasjonar med nåtidas hjelpemidlar, og krav til kvalitetssikring. Modning føregår under automatisk temperaturregulering med dagleg kontroll.

Vakuumpakka
Filetert vakuumpakka / Skinnfri vakuumpakka / Heil vakuumpakka

Heil, skinnfri og filetert fisk blir vakumpakka når fisken er moden, slik kunden ynskjer det.

Serveringsforslag

Planlegg litt angåande modning, val av mild, lagra eller vellagra fisk. Det er viktig å ikkje velja for sterk fisk, når ein skal servere nybyrjarar. Klargjer fisken 1 time før servering. Den smakar og luktar best ved romtemperatur. Det er enkelt å ta av skinnet.

Frå gamalt av kunne dei både koke og steike rakfisk. Sjølve har vi steikt fisken på bålet og i peisen. I seinare år har det vorte tradisjon med grilling av rakfisk, spesielt ved påsketider: Framgangsmåte:

Filetèr fisken og ta folie rundt. Er det kvelden, eller litt kaldt i veret, varmar vi litt krydra raudvin, eller tilset gløgg. Det kan bli kaldt, gjerne seint, kle deg godt – for det er trivelege stunder i solnedgangen.

Rakørret med lefse, smurt med godt smør. Nykokte mandelpoteter, flatbrød og litt rømme høyrer med.

Potet, lefse, flatbrød og ekte smør passar godt, og gjerne litt rømme. Vi anbefaler ikkje lauk, eller noko med sterke lukter. Ein god rakfisk har ein fin eim, og det er den du skal kose deg med i tillegg til reinheita i smaken til ein perfekt fisk. Eit rakfiskmåltid skal vera noko spesielt. Oppvekstvilkåra, omtanken for fisken, arbeid og rutinar, der ingenting er overlate til tilfeldigheita gjer dette til ein nytelsesrik og velsmakande rakfisk.

Øl og dram har alltid vore ein tradisjon til rakfisken, men mange foretrekk alkoholfri øl eller vin til – mjølk smakar også godt.

Nokon spesiell akevitt eller ølslag er vanskeleg å anbefale, men som vintips har vi:

Kvitvin:
835 Viña Esmeralda 2002/2003
34784 Loosen Riesling Kabinett 2001
33003 Rosemount Gtr 2003

Rakfiskoppskrifter er det ingen problem å finne, då mange har det som ein hobby å eksperimentere med dette. Vi tek likevel her med eit par enkle oppskrifter som vi har brukt.

Rakefisktartar med Valdreskaviar og rømmesaus
(4 personar) Oppskrift ved kokk Petter Müller

200g reinsa rakfisk
50g sylteagurk
50g lauk
1 eggeplomme
salt og peppar
paprikasaus eller krydder
Valdreskaviar (sikrogn)

Rømmesaus:
2-5dl rømme
kvitlauk
purrelauk

Alt finhakkast med kniv eller hurtigmiksar. Anrett tartaren på kald rømmesaus, smakt til med kvitlauk og finhakka purrelauk. Pyntast med laukring og Valdreskaviar av sikrogn.

Rakefisktartar
Småhakka rakefisk
Småhakka lauk (gjerne purrelauk)
Blandast med Crème fraîche eller rømme.

For variasjon og meir spenning, ta med i blandinga:
Hakka raudbetar
Hakka sylteagurk
Litt aromatkrydder
Kanskje kapers

Rør saman eller køyr i hurtigmiksar. Nytast saman med flatbrød/ertebrød, lefse eller loff. Det er berre fantasien som set grenser for variasjonane.